大家身邊有無一個好鍾意周圍去，周圍玩，只要問佢呢度有咩好食，嗰度有咩好玩，佢通通都可以答到你嘅朋友仔？
今次嘅平面設計工作坊邀請左插畫師Isatisse眼袋女孩 @isatisse 同我哋一齊發掘荃灣區好玩嘅地方，集合大家嘅諗法，畫成一幅有得睇，有得玩嘅玩樂地圖
喺社區生活咗咁耐，知唔知邊度係公共空間？公開空間又可以做啲咩？如果你係一個建築師，你又會點樣去設計一個社區？建築師嘅工作又係啲乜嘢？
專業建築師Vicky Chan @avoidobvious 今個星期六會同我哋走岀荃灣區，一齊構思點樣喺社區入面創造更多嘅玩樂空間。唔單止要諗，我哋仲會一齊「做」
想玩但又唔知玩咩好？有無諗過喺你嘅日常生活入面，用隨處可見嘅物資，又或者係你以為無用嘅物料，可以自己親手改造成一件玩具？🤭.
一齊參加「荃」城玩具大改造，同我哋一齊成為玩具匠人，製作屬於荃灣區獨一無二嘅玩具！做好嘅玩具除左會係荃灣展示之外，4/12(六)當日仲可以同其他親子互動添
親身尋找在區內遊戲的機會
如果要用一個形容詞去荃灣區，你會用啲咩？工業風？復古風？懷舊風？
我哋同 @kaifongtour 嘅「荃城追蹤」城市定向可能會為你帶嚟答案。
我哋一齊係荃灣區進行挑戰，熟悉荃灣區嘅你可能會為你帶嚟優勢，但唔熟悉荃灣區嘅你都可以用腦力體力取勝。
只有你有一部手機，配合你畫好嘅圖案，荃灣區入面所有嘅景物都可以成為你構圖嘅一部分！
「荃」新角度繪圖及手機攝影工作坊邀請左插畫師眼袋女孩 @isatisse 同我哋一齊創作得意嘅圖案，然後我哋可以帶住出去影相，製造好玩有趣嘅視覺效果。.
我哋仲邀請左現任100毛嘅攝影師Koo Fung教我哋攝影技巧，佢同過好多唔同KOL同藝人合作。想知點樣影到吸引人眼球嘅作品，唔好錯過今次嘅機會啦